THE JETS

THE JETS
THE JETS

PAKUA HII

Alhamisi, 24 Mei 2018

UNAKUMBUKA ULIWAHI KUANDIKA NINI KWENYE AUTOGRAPH

Utamaduni wa Autograph ulikuwa maarufu sana kwa vijana wa enzi hizo, kwa bahati tuu niliweza kupata kurasa chache za Autograph za vijana wa Upanga sitayataja majina ya wahusika kwa sababu nyingi sana chini ni maelezo yaliyokuwa kwenye autograph hizo, ukizisoma zina eleza mengi kuhusu hali ya wakati huo hahahaha; THOSE WERE THE DAYS MY FRIENDS
Drink: Coke
Food: Ugali
Clothes:boo-ga-loo
Singers: James Brown
Showbiz Personalities:Guliano Gemma
Records: The Chicken
Girl: "X"
Boy:Groove Maker
Place: Mchikichi
Best Ambition: Music (Drumer)

Drink: Babycham
Food: Tambi + Rice
Clothes: Pecos(bell-bottom)
Singers: James Brown, Clarence Carter,Otis Redding
Showbiz Personalities:Sidney Poitier,Elvis Presley,Franco Nero
Records: If I ruled the world,Thats how strong my love is, Take time to know her,
Girl: The one who loves me
Boy:Groove Maker
Place: Soulville Upanga
Best Ambition: Secret Agent

Drink: Fanta
Food: Chapati
Clothes:boo-ga-loo
Singers: Percy Sledge,James Brown
Showbiz Personalities:Fernando Sancho, Lee Marvin
Records: Take time to know her, Sex Machine Blue Transistor Radio
Girl: Fikirini
Boy:Groove Maker
Place: Soulville Upanga
Best Ambition: Electrician

Jumatatu, 21 Mei 2018

WAPENZI WA MUZIKI WA MIAKA YA SITINI NA SABINI WAWEKA KUMBUKUMBU ZAO, na wewe wakaribishwa

The Flaming Stars wakiwa Arnatougro, ukumbi huu umetekwa na kuwa ukumbi wa mikutano ya madiwani

Siku moja niliuliza swali hili……Katika miaka ya 60 hadi katikati ya 70 kulikuwa na bendi nyingi za vijana ambazo unaweza kulinganisha na wanamuziki wa sasa wanaojulikana kama kizazi kipya. Katika jiji la Dar es Salaam, kulikuweko na bendi nyingi kama vile The Sparks, The Comets, The Flames, The Jets, Crimson Rage, The Lovebugs, Trippers Imagination, Safari Trippers, Afro 70. je unakumbuka nyingine ?
Majibu……………………
  Patrick Tsere said...
Yeah kulikuwa na Flaming Stars wengi wao wakiwa wanafunzi wa Minaki miongoni mwao akiwemo Michael Mhuto, Cuthbert Sabuni na mdogo wake John Sabuni, Peter Kondowe (Peko). Hao waliwaka sana mwaka 1966 to 1968. Wimbo wao mmoja ninaokumbuka ni "Mpenzi Maria sisahau x2 Hata nyota nazo, pia mbalamwezi haziwezi kusahau Maria. Usikuu huwa nalia usiku huu huwa naota Maaamaria". Baadaye wakaenda Mombasa and then they split.

Walikuwepo Hot Five ambayo ilikuwa kali sana miaka hiyo ya 1966 hadi 1969 ilipovunjika ikazaliwa Sparks na Tonics. Ilipokuwa the Hot 5 kiongozi wao alikuwa Michael Jackson na akina Jerry Mwakipesile na Lameck Ubwe. Kwenye drums alikuwa Adam Salumu aka Addy Sally. Ubwe alibakia na Sparks na akina Jackson na Sweet Francis na mdogo wake Green Jackson wakaanzisha Tonics ambayo ilifanya makao yake Arusha wakipiga muziki CAMEO Bar karibu na Msikiti mkuu wa arusha.

When I was in Zambia from 1984 to 1996 nilikutana na Michael Jackson akiwa kwao alikuwa ameugua kichaa wa kuzurura jijini Lusaka amebeba makopo na usingeweza kuamini kwamba ndiye yule aliekuwa star. It was a sad scene I must say.

Kipindi hicho wengine walikuwa the Rifters chini ya Adam Kinguyi, Kijana wa Ilala.

Na hao uliowataja. Of course walikuwepo wakongo kama akina Pascal Onema wakipiga New Palace Hotel ambayo sasa ni Mbowe. Akina Papa Micky na Nova Success. Freddy Supreme (Ndala Kasheba) na Fauvete

  Anonymous said...
Kuna bendi ya BAR KEYS ya upanga (kama sijakosea ni 4 flats upanga)sikumbuki wapigaji nilikuwa mdogo sana mpaka leo kuna instumental lao naweza kulipiga kwenye kinanda

  Anonymous said...
Brian Shaka and the Oshekas walikuwa Mtaa wa Undali, Upanga.
  Anonymous said...
Napenda kuwakumbusha groupe moja ya vijana wa Kigoa iliyokuwa ikiburudisha Kilimanjaro Hotel,George De Souza pia kundi lingine ambalo lilitamba sana na nikiwa mpenzi wao,The Sunburst.Mengine mengi tutakumbushana siku za mbele.


Anon said…..
 Umetaja akina Sabuni ni muhimu usimsahau Raphael Sabuni ambae mara ya mwisho nilimuona live akiwa na STC jazz, wakiwa na Marijani Rajab, na nyimbo zao kama , Ulikuwa usiku wa manane, Rafiki si mtu mwema. 
Top Life Bar Kinondoni bado ni bar, ukiangalia unashangaa kuwa palikuwa pakubwa kiasi cha bendi kupafanya ndo mahala pake, nadhani utakumbuka wimbo wa Papa Micky akisifu Top Life Bar Kinondoni

Anon said........

Umeisahau kuitaja The Barlock chini ya uongozi wa ndugu wawili Magoa George na Robin Menderez ambao walikuwako New Africa Hotel ambao pia Muhuto aliipitia na kama sitakosea ni kuwa mwanamuziki kijana Huruka (Hucky Dude) Saidi huyu alikuwa nao hawa Sparks, mtafute atakupa story nyumba ya vizuri ambaye ni ushidi hai pia. Yeye ni hazina ya muziki fanya bidii umtafute nadhani bado anakaa Tandika,  kwani nakumbuka alitoroka na Adamu Kingui kwenda Mombasa akiwa bado mwanafunzi sikupi histori ila mtafute uchambuwe mtama naye. Halafu pia ungeulizia watu ambao labda bado wapo hai walioikumbuka Les Strippers ambayo makazi yetu yalikuwa mtaa wa Somali na. 58 kwa binti Omari Nona huyu bibi kesha kufa sasa. Kwani mara ya mwisho nilipokuwa kule miaka minne iliyopita pameuzwa ama kujengwa kisasa


Jumamosi, 19 Mei 2018

VIDEO- THOMAS RUFUS FUNKY PENGUIN LIVE KATIKA TAMASHA LA WATTSTAX

VIDEO- ISAAC HAYES --THEME FROM SHAFT LIVE

SALIM JAMES WILLIS MWANAMUZIKI WA AFRO 70


The Dynamites..Salim walio kaa Salim Willis,Khamis, Abdallah Doger. Waliosimama ni Kheri Salah, Bashir Fahani na Mohamed Mnyika

ENZI ZA MABROTHER MAN, PARTY KILA WIKIENDI

Mabrothermen, usafi ilikuwa lazima na picha za Jimi Hendrix ukutani ilikuwa ni muhimu

Hapa namuona  Mheshimiwa Balozi mstaafu ambaye pia alikuwa muimbaji mzuri sana wa nyimbo za James Brown (Picha kwa hisani ya Bro Dimando)

Kila zama katika miji kuna vijana wa aina mbalimbali wanaotokana na aina ya malezi wanayolelewa, mitaa wanayokulia, shule wanazosomea, sanaa wanazopenda na kadhalika. HUko nyuma kwenye miaka ya 60 yalikuweko na makundi ya vijana wakiitwa Mabrotherman, kutokana na kuiga utamaduni wa vijana  Wamarikani weusi. Mabrotherman, kwanza walikuwa wanatokana na kundi la vijana ambao walikuwa wamepitia sekondari, walikuwa wakipenda kusoma, kati ya stori muhimu katika vikao vya mabrotherman ni matukio toka kwenye vitabu vya hadithi zilizoandikwa na Ian Fleming (James Bond) na James Hadley Chase, na sinema ambazo zilitikisa kama vile Saturday Night Fever, au filamu zote za Shaft, ama filamu zenye waigizaji weusi. Pia kusoma magazeti kama Drum na Ebony. Mabrotherman walikuwa wasafi wenye kujipenda ambao Pamoja na yote vijana walipenda sana kuparty, kwa kila kisingizio ilitengenezwa party kulikuwa na party kila week end. Vijana walichanga pesa na kukutana kwenye nyumba mbalimbali, kuna wazazi walioruhusu vijana wao wafanye party katika maeneo ya nyumba zao, wengine hata kuruhusu kutumia vifaa vya gharama wakati huo kama music systems. Mavazi yakiwa suruali za Bellbottoms au mara nyingine ziliitwa Pecos, kutokana na jina la filamu ya ma Cowboy iliyoitwa My name is Pecos ambapo muigizaji mkuu Robert Woods alikuwa kavaa suruali iliyotanuka sana chini. Shati zilikuwa za kubana na ziliitwa  na slim fit.

Ijumaa, 18 Mei 2018

UNAWAKUMBUKA SUNBURST?



Hawa ndio Sunburst bendi iliyofanya vizuri sana mwanzoni mwa miaka ya 70,mwaka 1973 ikashinda mashindano ya Bendi Bora Dar es Salaam na kuwa ya kwanza. Toka kushoto Toby John Ejuama (saxophone) huyu alikuwa Mnaijeria kutoka Biafra, kama mnakumbuka Tanzania tulimuunga mkono  Ojukwu.!!!! Anaefuata ni Flory mpiga gitaa aliyekuwaMkongo, kisha mkongwe Johnny Rocks kwenye (drums), huyu alikuwa pia anapiga na George Di Souza pale Margot.  James Mpungo (lead vocals) kijana wa Mbeya ambaye hatimae alijiunga na Mangelepa. Anafuatia Kassim Rajabu Magati (organ/lead vocals, kwenye gitaa la bezi ni Bashir Idd Fahani. 

SUNBURST iliposhinda zawadi ya bendi bora 1973


Kundi la Sunburst lilianzishwa mwaka 1970 na mwanamuziki Mkongo Hembi Flory, Aliwakusanya mpiga drum Johhny Rocks Fernandes, mpiga bass Bashir Idd Farhani, na mpiga keyboards Kassim Magati. Kisha ndipo akajiunga James Mpungo.


SIKILIZA HAPA WIMBO WA SIMBA ANGURUMA

KUTOKA LOVE BUGS HADI KILIMANJARO BAND

Baadhi ya wanamuziki wa The Revolutions wakiwa wamejipumzisha juu ya hoteli ya Kilimanjaro, mahala ambapo umejengwa ukumbi wa 'Summit' siku hizi. Kutoka kushoto Mohammed 'Moddy'Mrisho, Hemedi Chuky (marehemu), Vuli Yeni, Ibrahim'Boss'  Mtumwa  na Joe "Ball" Rebello.

Alhamisi, 17 Mei 2018

HILI NDILO KUNDI ZIMA ZA SAFARI TRIPPERS 'SOKOMOKO NDANI YA NYUMBA'

Christian Kazinduki, Kiringo, Ali, David Musa Gordon, Vuli Yeni aliyeshika sax,  Marijani Rajabu aliyesimama juu ya kiti ameshika gitaa. Wenye kuwatambua wengine tafadhali  tunaomba majina

Jumatano, 16 Mei 2018

THE RIFTERS BENDI ILIYOANZIA ILALA

Toka kushoto mstari wa nyuma Mlima, Adam Kingui, Dokta, Mbele kushoto, Nassoro 'Mick Jagger' Fadhil, Khalid Mosty

Bendi ya The Rifters ilikuwa ni bendi ya vijana wadogo ambayo ilianzishwa na Adam Kingui na James Mwinga huko Ilala Dar Es Salaam mwaka 1966. Ni bendi ambayo ilipitia mabadiliko mengi sana kwani katika miaka hiyo wanamuziki walikuwa wengi na kwa ujumla muziki kwa kundi kama hili haukuwa unalipa bali ilikuwa ni kwa upenzi wa muziki na pia wanamuziki wengi walikuwa pia shule. Adam alidumu kwenye bendi mpaka pale ilipokuja kufutika.